Digitála sátnegirjjid sajáiduhttin

På norsk På norsk På engelsk In English På finsk Suomeksi På russisk По-русски

Sajáiduhttin: Mac OS 10.5 dahje ođđasat

Jos dus lea Mac OS 10.5 dahje ođđasat, de sáhtát geavahit Apple iežas Dictionary- dahje Ordliste-prográmma.

  1. Viečča sátnegirjefiilla(id):
  2. Sátnegirjefiila maid leat viežžan, lea páhkkejuvvon (.zip), ja don fertet dan rahpat (duppalklikket). Boađus lea máhppa mii lea dego legobircu oaidnit:
    Ordboksfiler og ikon
  3. Sirdde legobirccu (fiillaid) máhppii ~/Library/Dictionaries, fuobmá ahte ~/Library namma sáhttá maid leat Bibliotek, Kirjasto dahje juoga eará, das gitta makkár giella du dihtoris lea. Vuollemáhpa namma galgá leat Dictionaries, beroškeahttá giellaválljemis. Ráhkat dakkár máhpa dihtorii, jus ii leat.
  4. Jus it gávnna ~/Library-máhpa Finder-láses, de fertet rahpat Terminal-prográmma, maid gávnnat dáppe: Applications - Utilities - Terminal dahje Programmer - Verktøy - Terminal. Čále dán kommando Terminal-lásii ja deaddel enter:

    	chflags nohidden ~/Library

    Dál galgá ~/Library-máhppa oidnot Finder-láses. ~/Library-máhppa lea njuolga du geavaheaddjikonto vuolde.

Válmmas!

Sátnegirjji geavahit

Sániid ozat Apple iežas Dictionary- dahje Ordliste-prográmmain, maid gávnnat Applications- dahje Programmer-máhpas (sátnegirjeprográmma namma molsašuddá gielas gillii, muhto ikona lea bábersátnegirjji govva).
Programikonet for ordboksprogrammet

Dictionary-prográmmas leat jo muhtun sátnegirjjit - earret eará leat jo eŋgelasgiel ja japánagiel sátnegirjjit vuogádagas. Don sáhtát Dictionary-prográmmas válljet, jáddadit ja sirddašit sátnegirjjiid dás: Dictionaries - Option dahje go deaddilit dáid boaluid: command-, (⌘,). Option-panelas sáhtát válljet ja jáddadit sátnegirjjiid dan mielde guđe sátnegirjji háliidat geavahit.
Valg-vindauga for ordboksprogrammet

Mac-prográmmain (omd. Safari, Mail, SubEthaEdit) sáhtát geavahit sátnegirjji ná: Čujut sáhpániin sátnái maid háliidat jorgalit ja deaddel boallobeavddis dáid boaluid: ctrl-command-D (⌃⌘D). De galgá ihtit dan sáni jorgalus jus dat sátni lea sátnegirjjis. Daid sátnegirjjid sánit mat leat bajimusas Option-panelás, čájehuvvojit bajimusas go geavahat sátnegijji nugo čilgejuvvon dás.
Ordboksprateboble når ein peiker og slår opp

Dás sáhtát molsut dán boallokombinašuvnna mainna ozat sániid sátnegirjjis: System settings - Keyboard and mouse - Keyboard shortcuts > Search with Dictionary.