Davvisámi-dáru sátnegirji

Vuosttaš Digisánit lea davvisámi-dáru elektrovnnalaš sátnegirji. Sátnegirjji sáhtát installeret iežat dihtorii.

Sajáiduhte sátnegirjji iežat dihtorii:

• Mac OS 10.5 dahje ođđasat. (Dađi bahábut sátnegirji ii doaimma MAC OS X:s boarrásat go 10.5.)
• Sajáiduhte sátnegirjji iežat dihtorii (Windows ja Linux)
• Sajáiduhte sátnegirjji iežat iPhoneii/iPodii/iPadii
• Sajáiduhte sátnegirjji iežat Android-telefuvdnii

Sátnegirji lea ráhkaduvvon Nils Jernslettena Álgosátnegirjji vuođul. Muhtun sániid mii leat rievdadan dálá normatiiva čállinvuohkái. Mii leat maid váldán mielde sániid oahppogirjjiin mat geavahuvvojit sámegiel oahpahusas, ja maid dábálaš sániid sámegiel teavsttain.

Čuovvovaš girjjiin leat viežžan sániid:

• Oahppogirjjit
  • Eira & Gaup: Ánin dánin – mu lohkangirji. Davvi Girji os 2008.
  • Guttorm et al.: Davvin 1-4. Folkets brevskole 1992-1994.
  • Johnskareng: Sárá ja su ustibat. Davvi Girji 1998.
  • Johnskareng: Oaidnalit. Davvi Girji 1995.
  • Johnskareng: Bures, bures fas. Davvi Girji 1994.
• Čáppagirjjálašvuohta
  • Johansen: Sárá beaivegirji. ČálliidLágádus 2010.
  • Sokki: Mu ártegis eallin. Davvi Girji 2007.
  • Vars: Čábbámus iđitguovssu. Iđut 2002.

Sátnegirjjis leat 9900 vuođđosáni, dáin leat 634 báikenama. Eanaš sátnehámit mielde, ja dan dihte dovdá sátnegirji sojahuvvon sániid maid:

• Substantiivvat ja lohkosánit leat sojahuvvon loguin ja kasusiin.
• Pronomenat lea sojahuvvon loguin, persovnnain ja kasusiin.
• Adjektiivvat leat komparerejuvvon ja sojahuvvon loguin ja kasusiin. Attribuhttahápmi lea maid mielde.
• Vearbbat leat sojahuvvon persovnnain ja loguin juohke modusis. Maid transitiiva vearbbaid passiivahámit leat mielde, ja sojahuvvon persovnnain ja loguin. Dasa lassin leat aktiohámit mielde ja sojahuvvon loguin ja kasusiin, ja vearbbaid infinihtta hámit leat mielde.

Verbbain, substantiivvain, lohkosániin ja adjektiivvain leat čoavddahámit veahkkin geavaheaddjái. Pronomeniidda čájehit buot hámiid. Dasa lassin leat 2097 ovdamearkacealkaga.